ကိုလေး ☆ အင်းတဲ

ကိုလေး ☆ အင်းတဲ
Than Tun Lay .INDE

Friday, November 20, 2026

သံသယကင်းမှ ချစ်ခြင်းအလင်္ကာ

သံသယကင်းမှ ချစ်ခြင်းအလင်္ကာ

။

ဖာဂီကြီးရဲ့စကားလို

အတူလည်းပျော်ခဲ့ပြီးပြီ

နာကျင်ချိန်လည်းအတူတူဖြစ်ရမှာပေါ့


အဆုံးထိအတူမရှိနိုင်ဘဲ 

မြတ်နိုးမိကြောင်းပြောရင် အလိမ်အညာပဲမဟုတ်လား 🌹

။

ငွေအတွက်သက်သက်နဲ့ 

မအလအသုံးချခံသွားတဲ့ စီမံသူတွေကိုရွံတာတပိုင်း

။

တချိန်ကတော့ တရာသီမှာ ရှုံးပွဲဆိုတာလက်ချိုးရေတောင် တဖက်မပြည့်တတ်တော့ 😎 အသင်းအမှတ်လျော့ပလားဆိုရင် 


ငါဒီလိုနေမိလို့လား 

ဘာဟင်းစာမိလို့ပါလိမ့် 

အရင်တပတ်က ဘာစားတော့ ဂိုးပြတ်နိုင်သွားတာ


ကော်ဖီထုတ်ကို ပါးစပ်နဲ့ကိုက်ဖောက်လိုလား

ဘယ်ရစ်‌မွှေလို့လား

ကိုးပတ်မွှေမိလို့လား


အနီရောင်ဂျာစီဝတ်ပြီးမကြည့်မိလို့လေလား 

ခါတိုင်းကြည့်နေကျနေရာကနေ မကြည့်လို့များလား

ရေချိုးပြီးမှ ဂျာစီမဝတ်လို့လား

အသင်းအမှတ်တံဆိပ်ပါ ဘောင်ဘီပေါ်က ကျော်ခွရှူးပေါက်မိလို့ နံနိမ်သွားလေသလား စသည်ဖြင့် 


တပတ်လုံး ကိုယ့်ကြောင့်ပဲ အသင်းနစ်နာသွားသလားလို စိတ်စနုတ်ကိုမိရော့ 😅

။

ဒါကြောင့် ပွဲရှိပြီဆိုမှဖြင့် နိုင်ခဲ့တုန်းကနေ့ရဲ့ လုပ်ဆောင်မှုတွေအတိုင်း သတိထားပြီး တထပ်တည်းနေထိုင်လှုပ်ရှားရတာကိုး ရူးတာရူးတာ 😁

။

။

ကမ္ဘာတဖက်က ဘောလုံးအသင်းရဲ့ ရလဒ်က ကိုယ့်ပရောဂမပါကြောင်း ခုများမှ လက်ခံနိုင်တော့တယ်ရယ် 


တကယ်

တကယ် 😅

။

ခုညနိုင်ပါ့မလားလို့ သူငယ်ချင်းကမေးတော့ ရိုးမားလောက်မပြောနဲ့ ပီအက်စ်ဂျီ ဘာကာ ဘိုင်ယန် ရီးရဲတို့နဲ့ကန်တောင် စိုးရွံ့စရာမရှိပါဘူးလို့ 👹

။

။

💥 မြတ်နိုးခြင်းတွေက 

သံသယကင်းမှ ပြည့်စုံတာမဟုတ်လား 

။

#အရေးတော်ပုံအောင်တော့မည်

#စစ်အာဏာရှင်မုချအဆုံးသတ်တော့မည်

။

ကိုလေး ☆ အင်းတဲ
 


မှားယွင်းစွပ်စွဲမှုတွေနဲ့ မြတ်ဗုဒ္ဓရဲ့သဘော

မှားယွင်းစွပ်စွဲမှုတွေနဲ့ မြတ်ဗုဒ္ဓရဲ့သဘော

။

ဂေါတမဗုဒ္ဓကို ခန္ဓီဝါဒီလို့ အများသိကြတယ် 

အများအားဖြင့်လည်း သည်းခံဖို့ မေတ္တာထားဖို့ဦးတည်ဟောတတ်တာမို့ ဒီလိုထင်တာ အမှားရယ်လို့တော့မဟုတ်ပါဘူး


ဒါပေမယ့် မှားယွင်းတဲ့စွပ်စွဲမှုတွေကြုံချိန်မှာ အမြဲသည်းခံဖို့ ရှောင်သွားဖို့ချည်းလမ်းညွှန်တာမဟုတ်ဘူးဗျ


တခါသား နယ်တခုကိုဝင်တော့ ဆဲရေးတိုင်းထွာမှုတွေ စွပ်စွဲအပြစ်တင်မှုတွေကြုံတော့ ရှင်အာနန္ဒာက ဒီနယ်ကလူတွေသိပ်ရိုင်းတယ်ဘုရား အခြားအရပ်ကြွကြပါစို့တဲ့ 


ဒီမှာဘုရားကမိန့်တယ် 

ဟုတ်ပြီး နောက်ပြောင်းတဲ့အရပ်က လူတွေကကော ဒီလိုပြုတယ်ဆိုပါတော့ ဘယ်လိုလုပ်မလဲတဲ့ 


ပြဿနာကြုံတိုင်းရှောင်ထွက်တတ်ခြင်းက အဖြေမဟုတ်ဘူး သူတို့ရဲ့ပြောစကားတွေက မှားယွင်းစွပ်စွဲမှုဖြစ်ကြောင်းသက်သေပြရမယ် သူတို့ရဲ့သံသယကို ထိပ်တိုက်ရင်ဆိုင်လို့ ဖြေရှင်းရမယ်တဲ့ ပြဿနာကိုမဖြေရှင်းဘဲ တိမ်းရှောင်နေခြင်းက အမှန်တရားနဲ့ ကင်းဝေးသွားစေတယ်တဲ့


လက်ခံမခံက သူ့ကိစ္စသာတဲ့


ပြီးတော့ တခါသား ရှင်သာရိပုတ္တရာတရားဟောပြောနေခိုက် လူတယောက်က မူးယစ်ရမ်းကားပြီး ဟောပြောမဖြစ်အောင် နှောက်ယှက်လို့ ဆက်မဟောဖြစ်တော့ဘဲ တရားပွဲသိမ်းလိုက်ရတော့တယ်တဲ့


ဒီအကြောင်းကို ရှင်အာနန္ဒာက ဘုရားကိုလျှောက်တော့

အဲ့ဒီ မူးယစ်ရမ်းကားပြီး မှားယွင်းတဲ့စွပ်စွဲချက်တွေနဲ့ နှောက်ယှက်သူကို ဘာလို့ဆွဲထုတ်ပြစ်ပြီး ရှင်သာရိပုတ္တရာနဲ့အတူတကွရပ်တည်ဖို့ ပျက်ကွက်ကြသလဲလို့ အပြစ်တင်တော်မူသတဲ့

။

။

#အရေးတော်ပုံအောင်တော့မည်

#စစ်အာဏာရှင်မုချအဆုံးသတ်တော့မည်

။

ကိုလေး ☆ အင်းတဲ
 


It's A Medical Miracle (2026) (ဇာတ်ကား🖊 တွေး၊ညွှန်း) တတိယနား

 

It's A Medical Miracle (2026) (ဇာတ်ကား🖊 တွေး၊ညွှန်း) တတိယနား

။

ဒီကားက ဇာတ်လမ်းကတော်တော်ထူးခြားတယ် ကားတိုက်လို့ နှစ်နှစ်လောက်ခုတင်ပေါ်ပက်လက်ကိုမာဖြစ်နေတဲ့ကောင်လေးတယောက် နိုးထလာချိန်မှာ ထူးခြားတဲ့စွမ်းရည်ရရှိသွားတယ်အတော်ဝေးဝေးကအသံကိုတောင် ကြားနိုင်တာမျိုးပေါ့


ပထမတော့ အသံပေါင်းစုံဝင်ရောက်နေတော့ အိပ်ကောင်းခြင်းမအိပ်ရ စားကောင်းခြင်းမစားရနဲ့ ထိုစွမ်းရည်က ပြစ်ဒဏ်တခုလိုပါပဲ ဒါကြောင့်သက်သာရာရရလေအောင် အထူးပြုလုပ်ထားတဲ့ အသံလုံနားကြပ်တခုဝတ်ဆင်ရသည်အထိ 


ဒါတောင်မှ ပကတိလူသားတွေထက် အတော်ကြားနိုင်စွမ်းမြင့်နေပါသေးတယ်


ဒီလိုနဲ့ အဝေးက ကလေးမတယောက်ငြီးတွားသံကြားရာက စိတ္တဇတကောင်ဖမ်းထားတဲ့ ကလေးမတယောက်ကိုကယ်တင်နိုင်ခဲ့ပြီး နောက်ပိုင်းမှာတော့ ထိုစိတ္တဇကောင်နဲ့ပွတ်တိုက်မှုတွေအကြောင်းဇာတ်လမ်းတည်ထားတာပါ


ထားတော့ 


ကိုယ်ညွှန်းချင်တာက ဇာတ်ကားကိုမဟုတ်ပါဘူး အဆိုပါဇာတ်ကားထဲကပြောစကားလေးတခွန်းပါ


ပြင်ပဆူညံသံတွေရဲ့ဒဏ်ကိုတားဆီးဖို့တပ်ဆင်တဲ့ နားကြပ်ကိုစွန့်လွှတ်လိုက်ချိန်မှာ‌စဉ်းစားရေရွတ်မိတာ


ပြောစကားလေးက နှစ်စက္ကန့်စာလောက်လေးပါပဲ 

ဒါပေမယ့်တွေးစရာအတော်များတယ်


အကာအကွယ်တွေနောက်မှာကြောက်ပြီးပုန်းနေသင့်သလား

တသက်လုံးကောနေနိုင်လား 

ဒီလိုဘဲနေနေတော့မှာလား

ရင်ဆိုင်လိုက်ဖို့မသင့်ဘူးလား

အခက်အခဲတော့ရှိမှာပေါ့ အဲ့ဒါကိုရင်ဆိုင်ကျော်ဖြတ်နိုင်သွားရင် ဘာကိုမကြောက်နေစရာမလိုဘဲ ပုန်းနေစရာ စိုရိမ်ထိတ်လန့်နေစရာမလိုဘဲ တသက်လုံးလွတ်လပ်ပေါ့ပါးစွာနေနိုင်ခွင့်ဆုလာဘ်ကို ရယူဖို့ ရင်ဆိုင်လိုက်ဖို့မကြိုးစားသင့်ဘူးလားတဲ့


နိဂုံးချုပ်ရရင်တော့ ဇာတ်လမ်းအခြေပြုပုံစမ်းသစ်ပေမယ့် အဆုံးသတ်က စိတ္တဇလူသတ်သမားပုံစံနဲ့သွားနွယ်လိုတာ က ဌာန်ပျက်သွားသလိုခံစားရတယ် ဘယ်လိုပဲဖြစ်ဖြစ် ကြည့်ပျော်တဲ့ကားပါ

။

https://t.me/kolay0001/2635

။

Directed by

Shyamin Gireesh

။

Starring

Sangeeth Prathap

Sharaf U Dheen

Akhila Bhargavan

။

။

#အရေးတော်ပုံအောင်တော့မည်

#စစ်အာဏာရှင်မုချအဆုံးသတ်တော့မည်

။

ကိုလေး ☆ အင်းတဲ


Dhoomakethu (2026) (ဇာတ်ကား🖊 တွေး၊ညွှန်း) လူပျိုကြီးရဲ့ ဖြတ်သန်းမရ မင်္ဂလာဦးည

Dhoomakethu (2026) (ဇာတ်ကား🖊 တွေး၊ညွှန်း)
လူပျိုကြီးရဲ့ ဖြတ်သန်းမရ မင်္ဂလာဦးည
။
အသက်သုံးဆယ်ကျော်လေးဆယ်နီးပါးလူပျိုကြီးတယောက် စွံပါလေမှ မင်္ဂလာဦးည သန်းခေါင်ယံအချိန်မှာ ရန်သူတွေရောက်လာလို့ သေရသည့်အဖြစ်

ဒါကအိပ်မက် အမှန်တကယ်မင်္ဂလာဆောင်မယ့်မနက်မှာ နိုးထလာချိန်မက်ခဲ့တဲ့အိပ်မက်ပေါ့

ဆိုလိုတာက သူမြင်မက်ခဲ့တဲ့အတိုင်းတထပ်တည်းဖြစ်လို့ သန်းခေါင်ချိန်အရိုက်ခံရလိုက် နောက်တနေ့မနက်နိုးထလာလို့ အိမ်မက်ဖြစ်နေလိုက်နဲ့ မရိုးမရွဂွကျကျဖြစ်နေရတဲ့ သတို့သားလောင်း လူပျိုကြီးတယောက်ရဲ့ ဖြတ်သန်းမရတဲ့ မင်္ဂလာဦးညအကြောင်းပါ

ဒီလိုအချိန်ဇုန်မှာပိတ်မိလို့ တနေ့တရက်ထဲကို ထပ်ပြန်တလဲလဲဖြတ်သန်းနေရတဲ့ ဇာတ်လမ်းတွေများစွာရှိတာမို့ ထူးခြားတယ်လို့မဆိုနိုင်ပေမယ့် ဇာတ်အခြေတည်ရာနဲ့ ဇာတ်ဆောင်ရဲ့ ခွကျကျမရိုးမရွဖြစ်ရတဲ့ သရုပ်ဆောင်ချက်တွေက မိုက်တယ် ကြည့်ကြ‌ဗျာ ကြည့်ပျော်တဲ့ကားပါ
။
https://t.me/kolay0001/2696
။
Directed by
Sudhi Maddison
။
Starring
Sajin Gopu
Nikhila Vimal
Ganapathi S. Poduval
Shine Tom Chacko
Sidharth Bharathan
။
#အရေးတော်ပုံအောင်တော့မည်
#စစ်အာဏာရှင်မုချအဆုံးသတ်တော့မည်
။
ကိုလေး ☆ အင်းတဲ


 

စိန်မှုံး


 

Sippiyan Sitaare (2026) (ဇာတ်ကား🖊 တွေး၊ညွှန်း) အချို့အချို့အတွက်လွယ်ပေမယ့်

Sippiyan Sitaare (2026) (ဇာတ်ကား🖊 တွေး၊ညွှန်း)

အချို့အချို့အတွက်လွယ်ပေမယ့်

။

ဇာတ်လမ်းလေးကမဆိုးလှဘူး 

ကိုယ့်ခြေထောက်ပေါ်ကိုယ်ရပ်တည်နိုင်ဖို့ ကြိုးစားနေတဲ့ကောင်မလေးတယောက်အကြောင်း


တကယ်တော့ အချို့သောပြကွက်တွေနဲ့ ဇာတ်ရှိန်မြှင့်ယူတဲ့အပိုင်းတွေမှာ စိတ်ကူးယဉ်ဆန်လွန်းတာတို့ သာမန် ပရိတ်သတ်မှန်းဆထားနိုင်တဲ့ ဖြေရှင်းပုံမျိုးတို့ဖြစ်နေတာက ဒီဇာတ်ကားကို ကောင်းတော့ကောင်းတယ်ဆိုတဲ့အဆင့်မှာပဲတစ်သွားစေတယ်လို့ခံစားရတယ်


အမှန်တော့ ဒီကားရဲ့ကျောရိုးဇာတ်လမ်းက ဒီထက်ပိုပြီးပြနိုင်စွမ်းတွေရှိသေးတယ်လို့ခံစားမိရင်း မချင့်မရဲဖြစ်မိတယ် ပြန်ရိုက်ကြရင်ကောင်းမယ်


နှစ်သက်မိတဲ့ ဇာတ်ဝင်စကားလေးတခုထုတ်နှုတ်တင်ပြပါရစေ

အချို့အတွက်ထမင်းစားရေသောက်လို လွယ်ကူလွန်းတဲ့ကိစ္စတွေက တို့များအတွက်ကျစစ်တိုက်နေရသလို ခက်ခက်ခဲခဲ ကြိုးစားနေရတဲ့လောကကြီးကိုလည်း ကျေးဇူးလည်းအထူးတင်ပါရဲ့

။

https://t.me/kolay0001/2886

။

Director: Simmi Dhiman 


Starring Arvinder Kaur, Inderrjeet, Anita Meet

။

#အရေးတော်ပုံအောင်တော့မည်

#စစ်အာဏာရှင်မုချအဆုံးသတ်တော့မည်


။

ကိုလေး ☆ အင်းတဲ
 


Thursday, November 19, 2026

Baththa (2026) (ဇာတ်ကား🖊 တွေး၊ညွှန်း) ကြောက်စိတ်

Baththa (2026) (ဇာတ်ကား🖊 တွေး၊ညွှန်း)

ကြောက်စိတ်

။

အိန္ဒိယမှာ မာလေယာလမ်ကားတွေက ဇာတ်လမ်းဆန်းသစ်မှုတွေအတွက် အမြဲလက်မထောင်နိုင်ခဲ့ကြတယ် 


ထောင်နိုင်အောင်လည်း ပေါက်တာမပေါက်တာခဏထား သူတို့ကားတွေက အတော့်ကို သဘာဝကျတယ်


တမီကားတွေကတော့ ဟီရိုးဆန်ဆန် လူမိုက်ဆန်ဆန်ရိုက်ကွက်တွေမှာပိုပြီးနာမည်ရတယ်


တမီစတား ဗီဂျေးစည်သူပတီ က အမှန်တော့ စံအရဆိုရင် မင်းသားမဟုတ်ဘူးဗျ သရုပ်ဆောင်ပါပဲ ပိုပြီးတိတိကျကျပြောရရင် မင်းသားထိုးလဲကျရတဲ့လူဆိုး တနည်းအားဖြင့်ဗီလိန်ပေါ့


သူခေါင်းဆောင်ပါဝင်တဲ့ဇာတ်ကားတွေထွက်တတ်ပေမယ့် သူ့ရုပ်ရည် ခန္ဓာကိုယ်အချိုးအစားရ မင်းသားစံမဟုတ်ဘူး


ဒီအားနည်းချက်ကပဲ သူ့ကားတွေက ထူးချက်တယ်ဆိုတဲ့ခံစားချက်ပေးနိုင်ခဲ့တာလို့ထင်တယ် သူ့ကားတွေလာကြည့်ဖို့ ရုပ်ရည် ခန္ဓာကိုယ်အချိုးအစားနဲ့ ဆွဲဆောင်လို့မှမရဘဲ ဒီတော့ ဇာတ်လမ်းကို သေသေချာချာရွေးချယ်တယ် သဘာဝကျကျဖန်တီးတယ် ဒီလိုနဲ့ ဗီဂျေးစည်သူပတီရယ်လို့ ပရိတ်သတ်တို့ အမှတ်ရနေကြတာပေါ့


၂၀၁၈ ခုနှစ်ကထွက်ခဲ့တဲ့ 96 ဆိုတဲ့ကားဆိုရင် ဇာတ်ကရိုးရိုးလေးနဲ့ သရုပ်ဆောင်ချက်တွေကသဘာဝကျမို့ အတော်ပေါက်ခဲ့တယ်ဟုတ်


ဒီကားအစမှာ လူမိုက်ကြီးတယောက်ကို အခြေတည်ထားလို့ အခြားတမီကားတွေနဲ့ထူးမခြားနားပါလို့ထင်မှတ်ပြီး မကြည့်ဖြစ်ရင်မှားပါလိမ့်မယ်


အမှန်က လူမိုက်ကြီးကို ကျောင်းအိမ်သာထဲ ပိတ်ထားလိုက်မိတဲ့ ကလေးငယ်တယောက်ရဲ့ စိတ်သဘာဝကိုရိုက်ပြထားတာအတော်မိုက်တယ်


ကြည့်ကြည့်ကြဗျာ


ဆိုခဲ့သလို ဇာတ်လမ်းအရာမှာ အမြဲလက်မထောင်တတ်တဲ့ မာလေယာလမ်ကားတွေကို ငါလည်းရိုက်တတ်ပါတယ်ကွလို့ ဗီဂျေးစည်သူပတီက တကွက်ပြန်ပြနိုင်ခဲ့တဲ့ကားပါ


မင်းသမီးကတော့ Jai Bhim (2021) ဆိုတဲ့ကားနဲ့ပေါက်ခဲ့သူပါ

။

https://t.me/kolay0001/2956

။

Directed by

Balaji Tharaneetharan

။

Starring

Vijay Sethupathi

Master Sai Prithviraj

Lijomol Jose

။

#အရေးတော်ပုံအောင်တော့မည်

#စစ်အာဏာရှင်မုချအဆုံးသတ်တော့မည်

။

ကိုလေး ☆ အင်းတဲ
 


Naa Wife Missing (2026) (ဇာတ်ကား🖊 တွေး၊ညွှန်း) ကျွန်တော့်မယားပျောက်နေတယ်

Naa Wife Missing (2026) (ဇာတ်ကား🖊 တွေး၊ညွှန်း)

ကျွန်တော့်မယားပျောက်နေတယ်

။

ဇနီးမယားပျောက်သွားတယ်ဆိုရင် အဓိကသံသဖြစ်မိမှာကလင်ယောက်ျားပါ


ဘာလို့လဲဆိုတော့ အသစ်‌တယောက်တွေ့ထားလို့ အပျောက်ရှင်းတာမျိုးက ဖြစ်နေကြသဘောတရားကိုး


ဒီကားကဒီလိုပါ 

လင်ယောက်ျားတယောက် ဇနီးပျောက်သွားကြောင်းတိုင်ချက်လာဖွင့်တယ် ဒီတော့ယေဘုယသဘောတရားအရ မစုံစမ်းရသေးခင်မှာပဲ ရဲက ယောက်ျားကိုအရင်စွဲစိထားလိုက်တယ်


ခဏကြာတော့ ကောင်မလေးရဲ့ရီးစားဟောင်းက အာမခံနဲ့လာထုတ်ပေးရာက ဇာတ်ကမရိုးရှင်းတော့ဘဲ သပွတ်အူလို ရှုပ်ထွေးလာတယ်


ကြည့်ကြည့်ကြဗျ ကောင်းတယ်

အမှန်တော့ အိန္ဒိယကားတွေရဲ့ထုံးစံအရဆိုရင် နှစ်နာရီခွဲစာလောက်ရှိရမယ့် ဇာတ်လမ်းမျိုးကို တနာရီခွဲလောက်နဲ့ ကျစ်ကျစ်လျစ်လျစ်ရိုက်ပြသွားတာမို့ ကျော်မကြည့်မှအဆင်ပြေမယ်နော်

။

။

https://t.me/kolay0001/2662

။

။

Director: Swathi Prakash Mantripragada

။

Cast: Varun Sandes

Shweta Basu Prasad 

။

#အရေးတော်ပုံအောင်တော့မည်

#စစ်အာဏာရှင်မုချအဆုံးသတ်တော့မည်

။

ကိုလေး ☆ အင်းတဲ
 


Sumo Didi (2023) (ဇာတ်ကား🖊 တွေး၊ညွှန်း) ဆူမိုမမ

Sumo Didi (2023) (ဇာတ်ကား🖊 တွေး၊ညွှန်း)

ဆူမိုမမ

။

ပြောကြတယ်

ဘဝမှာပိုင်ဆိုင်နိုင်ဖို့ကြိုးစားရတာသိပ်ခက်ခဲသလောက်

ဆုံးရှုံးရဖို့ကသိပ်လွယ်သတဲ့


ဒီစကားက နေရာတိုင်းမှန်နိုင်ပါ့မလား

ဝိတ်ချနေသူတွေကို သွားမေးကြည့်ပါအုံး 

ရဖို့လွယ်ပြီး စွန့်လွှတ်ဖို့အတွက် ဘယ်လောက်ခက်ခက်ခဲခဲ ပင်ပင်ပန်းပန်ကြိုးစားရလဲဆိုတာ သိလာပါလိမ့်မယ်တဲ့

။

ဒီကားက ခပ်ဝဝခန္ဓာကြောင့် အများလှောင်ပြောင်မှုခံရတဲ့ ကောင်မလေးတယောက်အကြောင်းပါ


လူအမျိုးမျိုးစိတ်အထွေထွေမို့ 

သူများစကားတင်းဆိုမှာကြောက်လို့ 

ကိုယ့်ဖြစ်တည်မှုကိုလိုက်ပြောင်း‌ေနရရင် ပြောင်းလို့ကိုဆုံးမှာမဟုတ်တော့ဘူးဟုတ်


ကိုယ့်ဖြစ်တည်မှုကို အားသာချက်အဖြစ်တည်ဆောက်ပြလိုက်ပါ သူတို့ပါးစပ်ပိတ်သွားပါလိမ့်မယ်တဲ့


ဒါကဖြစ်ရပ်မှန်ဇာတ်လမ်းပါ

မင်းသမီးအနေနဲ့ ဇာတ်ကောင်နဲ့အံဝင်ဖို့ ဝိတ်တင်တာတွေ ဆူမိုအားကစားကို ကျကျနနအချိန်ပေးလေ့လာရိုက်ကူးခဲ့တာမို့ ချီးကျူးမှုအများအပြားရရှိခဲ့တယ်လို့ ဆိုပါတယ်

။

Director 

Jayant Rohatgi


Cast Shriyam Bhagnani

။

https://t.me/kolay0001/2685

.

#အရေးတော်ပုံအောင်တော့မည်

#စစ်အာဏာရှင်မုချအဆုံးသတ်တော့မည်

။

ကိုလေး ☆ အင်းတဲ
 


Wednesday, November 18, 2026

vibe (2026) (ဇာတ်ကား🖊 တွေး၊ညွှန်း) မိဿလင်များ

vibe (2026) (ဇာတ်ကား🖊 တွေး၊ညွှန်း)

မိဿလင်များ

.

ကိုယ်တကူးတက စောင့်ကြည့်တတ်သူအနည်းငယ်ထဲမှာ ကူနယ်ကီမူးကြီးလည်းပါတယ် သူ့ကားတွေက တဘာသာထူးခြားတယ်လို့ယူဆမိလို့ပါ


ဒီကားကတော့ သူရဲ့ဇာတ်လမ်းကို သူကိုယ်တိုင်ဒါရိုက်တာလုပ်ရိုက်ကူးထားတာဖြစ်ပြီး ကားရိုက်ကြဲတဲ့ တချိန်ကခေတ်တခေတ်တည်ထောင်နိုင်ခဲ့တဲ့ မင်းသမီးကြီး ပရီတီဇင်တာ လည်းပါဝင်ပါတယ်


နာမည်ကြီးကို ဖော်ရှိုးသဘော ပိုက်ဆံရှာဖို့သက်သက် အသုံးချတာမျိုးမဟုတ်ဘဲ သူမအဆင့်အတန်းနဲ့လျှော်ညီအောင် ဇာတ်လမ်းကို ကျကျနနသေသေချာချာပြင်ဆင်ရိုက်ကူးခဲ့တယ်လို့ယူဆမိတယ်


တွဲဖက်သရုပ်ဆောင် စပါရှ် သီရိဗာစတာဗာ ကိုလည်း အာမိန်ခန်းရဲ့ဇနီး ကီရန် ရာအို ရိုက်ကူးခဲ့တဲ့ Laapataa Ladies (2023) ဆိုတဲ့ ကားမှာကတည်းကသဘောကျနေတာ


ဇာတ်လမ်းက ဆေးချလိုက် ဖွန်ကြောင်လိုက်နဲ့သာယာနေတဲ့ငတိတကောင် အကြမ်းဖက်သမားရဲ့နှမနဲ့သွားပတ်သက်မိရာက စပိုင်အဖြစ်နဲ့ မလိုချင်တဲ့တာဝန်ကြီး ကောက်ထမ်းရတဲ့အဖြစ်


သူချည်းသာလောဆိုရင်မဟုတ်သေးဘူး 

ဂျင်းနဲ့ပေါင်းမှရောအထောင်းခံရတဲ့ မိဿလင်လို ရိုးရိုးအေး

အေးငယ်သူငယ်ချင်းကိုပါ သူငယ်ချင်းကောင်းပီသစွာ ဒုက္ခတွင်းထဲအတူဆင်းဖို့ အဆစ်ခေါ်လိုက်ပါသေးတယ်

။

။

ကြည့်ကြဗျာ 

ဆိုခဲ့သလို ကူနယ်ကီမူးရဲ့ကားတွေက ထူးခြားပါတယ်ဆိုတာ သင်ကိုယ်တိုင်လက်ခံလာပါလိမ့်မယ်

။

Directed by

Kunal Khemu


Starring

Preity Zinta

Dinesh Lal Yadav

Kunal Khemu

Sparsh Shrivastava

Yashpal Sharma

Vanshika Dhir

.

https://t.me/kolay0001/3080

.

#အရေးတော်ပုံအောင်တော့မည်

#စစ်အာဏာရှင်မုချအဆုံးသတ်တော့မည်

။

ကိုလေး ☆ အင်းတဲ
 


သန်းထွန်းလေး (အင်းတဲရွာ)

သံသယကင်းမှ ချစ်ခြင်းအလင်္ကာ

သံသယကင်းမှ ချစ်ခြင်းအလင်္ကာ ။ ဖာဂီကြီးရဲ့စကားလို အတူလည်းပျော်ခဲ့ပြီးပြီ နာကျင်ချိန်လည်းအတူတူဖြစ်ရမှာပေါ့ အဆုံးထိအတူမရှိနိုင်ဘဲ  မြတ်နိုးမိကြ...

အထူး