________________
အမှန်တော့ စာလုံးပေါင်းသတ်ပုံဆိုတာ ဘာသာစကားရေးထုံးတို့ရဲ့အခြေခံအဆင့်ပါ တနည်းအားဖြင့်မူလတန်းအဆင့်ပေါ့ဗျာ
ခုနောက်ပိုင်း social media တွေမှာ အဆင့်မြင့်တန်းအောင်မြင်ပြီးသူတွေတောင် ဒီဘာမှမဟုတ်တဲ့ သတ်ပုံကလေးတွေ အမှားကြီးမှားကြတာတွေ့ရတယ်
အဆိုးဆုံးကတော့ တတ်နဲ့တက်ပေါ့
လုပ်တတ်ကိုင်တတ်ပြောတတ်ဆိုတတ်
ဆိုတဲ့ကျွမ်းကျင်ပိုင်နိုင်ရာကိုပြတဲ့ တသတ် တတ်နဲ့
သစ်ပင်ပေါ်တက်အိမ်ပေါ်တက် စသည်ဖြင့်
ကသတ် တက်က အသံထွက်က အကွာလိုက်ကြီးပါ
ဒီအကြောင်းကို ရှေ့မှာရေးခဲ့ဖူးပြီးမို့ထားပါတော့
ခုပြောလိုတာက ထက် နဲ့ ထပ်
မင်းထက်ပိုတယ်
ဒီနေရာမှာ ရေးကြတာက မင်းထပ်ပိုတယ်လို့ ပသတ်နဲ့ ရေးကြတယ်
ပသတ်က
အပေါ်ထပ် အောက်ထပ် ဆိုတဲ့ တည်နေရာပြတာပါ
ထပ်ပြောမယ်ဆိုရင်လည်း အကြိမ်ရေပေါ့
ကသတ်ကမှ
သူ့ထက် ကိုယ့်ထက် နှိုင်းယှဥ်ပြတာပါ
......
အဆိုတော် Lလွန်းဝါရဲ့ သီချင်း
အဖြူသက်သက် ဆိုပါတော့
ဒါကို အဖြူသပ်သပ်လို့ ရေးနေကြတာတွေ့တယ်
ကသတ်က ရည်ညွှန်းတာ
ပသတ်က ခွဲခြားတာ
အဖြူကသပ်သပ် အနီကသပ်သပ်
ဆန်ဖိုးကသပ်သပ် ဆီဖိုးကသပ်သပ် ဒါမျိုးပေါ့
။
။
#အရေးတော်ပုံအောင်တော့မည်
#စစ်အာဏာရှင်မုချအဆုံးသတ်တော့မည်
။
သန်းထွန်းလေး ☆ အင်းတဲရွာ
No comments:
Post a Comment