တက်သုတ်ရိုက် လှန်လိုက်သင့်သောစာမျက်နှာများ
တကယ်လို့ သတိရရင်တရက်ပဲငိုပေါ့
။
Dono (2023)
https://t.me/kolayinde1/310
။
။
ငယ်ချစ်ဟောင်းရဲ့ လက်ထပ်မင်္ဂလာပွဲကို မောင်ကိုယ်တိုင်လာရောက်ပါလို့ ဖိတ်စာကြည်ပြာလေး ပို့လိုက်တာမဟုတ်ဘဲ ခေတ်အခါအရ ဖုန်းလှမ်းဆက်လိုက်တယ်ပေါ့ဗျာ
ပြောမယ်သာပြောတာပါ ငယ်ချစ်ဟောင်းရယ်လို့လည်းမဟုတ်ပါဘူး ဟိုကသိတောင်သိတယ်ရယ်မဟုတ်ဘူး တဖက်သတ်မှ လုံးဝတဖက်သတ်စစ်စစ်ကြီး
ဒီလိုနဲ့ပွဲတက်ဖို့ ထိုင်းနိုင်ငံလာခဲ့တယ်ပေါ့
ရုတ်တရက်ကြည့်ရင်တော့ဇာတ်ကားလေးက ဒီလောက်ပါပဲ ပေါ့ပေါ့ပါးပါးနဲ့ ကော်ဖီတခွက်နဲ့ကျိုက်ရုံသက်သက် အပျင်းဖြေအပျော်ကြည့်ရုံလောက်သာလို့ ယူဆစရာ
သရုပ်ဆောင်တွေကလည်း မျက်နှာသစ်တွေဖြစ်ပုံရတယ် ရုပ်ရည်ကထူးခြားလှတယ်မဟုတ်ပေမယ့် သရုပ်ဆောင်မှုတွေက အသက်ပါသလို အပိုအလိုမရှိ ဇာတ်နဲ့ကွက်တိ
ထားတော့
ဇာတ်လမ်းလေးပြန်ကောက်ရရင် ဆယ်နှစ်ကျော်လောက် တဖက်သတ်မျှော်လင့်ရင်း စာမျက်နှာအဟောင်းကိုပဲ ထပ်ဖန်တလဲလဲဖတ်နေသူအလား ဒီထဲမှာပဲ တဝဲဝဲလည်လို့
မိဘ သူငယ်ချင်းအပေါင်းအသင်း ပတ်ဝန်းကျင်မှာ သနားစရာလိုလို ကျရှုံးနေသူလိုလို ရှုမြင်ခံရရင်း နိမ့်ကျတဲ့စိတ်က ဘဝကိုသာမက ကိုယ့်ကိုယ်ကိုပါ နှိမ့်ချလို့
ကိုယ့်ဘဝ ကိုယ့်ရုပ်ရည် ကိုယ့်ဖြစ်တည်မှု ဘာကိုမှအလိုမကျဖြစ်နေတဲ့ အရှုံးသမားစစ်စစ်တယောက်
ဒီပွဲမှာ သူ့လိုလူနောက်တယောက်ရှိတယ်
ဘဝလက်တွဲဖော်အဖြစ်ရည်မှန်းထားသူရဲ့ ဂရုစိုက်ရာထက်ပိုလွန်ပြီး အမိန့်ပေးစိုးမိုးလို့ ဘဝ အတွေးအမြင် ခံစားချက်တွေကိုပါ ချုပ်ကိုင်ရင်း ပုံစံခွက်အတွင်း ဇွတ်အတင်းသွပ်သွင်းမှုကြောင့် အလွန်အမင်းမွန်းကြပ်လာသည့်အဆုံး လမ်းခွဲလာတဲ့ ကောင်မလေးတယောက်
သူတို့နှစ်ဦးမှာတူညီတာက
ကိုယ့်ကိုယ်ကို လေးစားမှု ယုံကြည်မှုနိမ့်ကျလာခြင်းပဲ
တယောက်ကတော့ ကိုယ့်ကိုယ်ကိုဆွဲချထားတာဖြစ်ပြီး နောက်တယောက်က ဘေးပယောဂကြောင့် နိမ့်ကျသွားတာ
ဒီသဘော ဒီခံစားချက်မျိုးခံစားလာရပြီ တွေကြုံလာပြီဆိုရင် စာမျက်နှာအဟောင်းကိုပဲ ထပ်ဖန်တလဲလဲဖတ်လို့ နာကျင်ကြေကွဲဆွေးမြေ့နေမယ့်အစား
နောက်ထပ်အကြောင်းအရာတွေကို ခံစားတွေ့ထိဖို့ စာမျက်နှာကို တတ်နိုင်သမျှ သွက်သွက်သာလှန်လိုက်တာ အသင့်တော်ဆုံးပါပဲ
ဆောင်းဦးလှိုင် ရဲ့သီချင်းလို
တကယ်လို့ သတိရရင်တရက်ပဲငိုပေါ့
ရှေ့မှာပိုကောင်းတာကိုလည်း ရနိုင်သလို
ဆိုးမယ်ဆိုရင်လည်းဘာအရေးလဲ သန်းခေါင်ထက်တော့ ပိုညဉ့်မနက်နိုင်ဘူးမဟုတ်လား
အချုပ်အနေနဲ့ အသည်းကွဲနေသူတွေနဲ့
ကွဲလတ္တံ့သော
ကွဲမယ့်အတူတူမထူးပါဘူး 😁
လူငယ်တိုင်းအတွက် အဖြေတစုံတရာပေးနိုင်တာမို့
ကြည့်ကိုကြည့်သင့်ကားပါလို့ ဆိုပါရစေ
။
။
Directed by Avnish S. Barjatya
။
။
#အရေးတော်ပုံအောင်တော့မည်
#စစ်အာဏာရှင်မုချအဆုံးသတ်တော့မည်
။
သန်းထွန်းလေး ☆ အင်းတဲရွာ
No comments:
Post a Comment