....
ကရုဏာဆိုတာက ပါဠိကနေတိုက်ရိုက်မွေးစားထားတဲ့ စကားလုံးဖြစ်ပြီး ဗမာလိုတော့ သနားကြင်နာခြင်းလို့ အဓိပ္ပါယ်ဖွင့်ပါတယ်
ဂရုစိုက်ဆိုတာက အရေးတယူပြုတာကိုပြောတာ
ဒီစကားလုံးနှစ်ခုက အဓိပ္ပါယ်အားဖြင့်ခြားနာသလို သုံးစွဲသူတို့အတွက်လည်း လွဲမှားစရာ နည်းနည်းမှမရှိပါဘူး
ဒါဆိုရင် ဘာကြောင့်အရေးတယူပြောချင်နေရလဲမေးရင် အသံထွက်ကိုလို့ ဖြေရပါလိမ့်မယ်
ရွတ်ကြည့်ပါအုံး
ပြန်တွေးကြည့်ပါအုံး
ကရုဏာဆိုတဲ့စကားလုံးကို ကကြီးသံနဲ့ ရကောက်သံနဲ့
ကရုဏာလို့ ပီပီသသရွတ်သလား
ဂငယ်သံ ယပက်လက်အသံနဲ့ ဂယုဏာလို့ ရွတ်ဖတ်ဖြစ်သလားပေါ့
ပါဠိမှာက ရကောက်သံနဲ့ ယပက်လက်အသံက ကွဲပြားပါတယ်
ရကောက်က လျှာလေးက အပေါ်သွားရဲ့နောက် အလှမ်းမကမ်းကိုထောက်လို့ လေထုတ်လိုက်ချိန်မှ အလိုက်သင့်ဖွင့်ဟပေးရာက ထွက်လာတဲ့အသံဖြစ်ပြီး
ယပက်လက်ကတော့ လျှာဖျားလေးက အောက်သွားရဲ့အခြေကိုသွားကပ်လို့ လေထုတ်ရာကဖြစ်ပေါ်လာတဲ့အသံပါ
ဒီစကားလုံးလေးရဲ့အသံထွက်အမှန်က
ဂငယ်သံနဲ့ ဂရုဏာမဟုတ်
ယပက်လက်အသံနဲ့ ဂယုဏာလည်းမဟုတ်
ပါဠိကနေတိုက်ရိုက်မွေးစားထားတာမို့
ကကြီးသံ ရကောက်အသံနဲ့
ကရုဏာ ကရုဏာ ကရုဏာ
။
။
#အရေးတော်ပုံအောင်တော့မည်
#စစ်အာဏာရှင်မုချအဆုံးသတ်တော့မည်
။
သန်းထွန်းလေး ☆ အင်းတဲရွာ
No comments:
Post a Comment