တော်လှန်အသံရှင်များအတွက် ဂုဏ်ပြုမှတ်တမ်း
#မောင်ဝင်းဦး
.
Https://www.youtube.com/@thantunlayinde
.
တကယ့်တကယ်တော့ ကျွန်တော်နဲ့ အတိတ်တွေက အလှမ်းဝေးလွန်းလှပါတယ်
ကိုယ်တိုင်က နီးစပ်အောင်မလုပ်ဆောင်ခဲ့တာလည်းတပြစ်ပေါ့
ဒါပေမယ့် ကိုယ့်ပျင်းရိမှုတွေတံတိုင်းကိုဖြိုချလို့
အတိတ်ဆီတံတားထိုးပေးခဲ့သူက
#မောင်ဝင်းဦး
အသံကိုက သမိုင်းသံပါပါ သြဇာအပြည့်
သံလိုက်ဓါတ်ပါလို့ နားစဥ်လိုက်ကတည်းက မခွာနိုင်ဘဲ စိတ်ဝင်တစားနားစိုက်မိရင်း
ဖြူမဲရုပ်ရှင်တကား မနောအသိမှာ ချက်ခြင်းပေါ်လွင်သာသလိုလို
ကိုယ့်လိုငပျင်းတယောက်ကိုတောင်
မလှမ်းမကမ်းက ၈၈ ကာလအတိတ်ကိုကျော်လွန်လို့
၇၄/၇၆ ကာလတွေဆီ အချိန်ခရီးသွားရောက်ရှိစေသလို
အဲ့ဒီကာလလူမှုဘဝ
လက်နက်ကိုင်ထားတဲ့ အကြမ်းဖက်သူတို့ရဲ့ မတရားချုပ်နှောင်နှိုပ်စက်မှုကိုခံခဲ့ရတဲ့
အများအတွက်ကိုယ်စားအသံထွက် ပေးခဲ့ကြသူတွေအကြောင်းပြောပြသွားတာများ
သံတိုင်နောက်က ယုံကြည်ချက်အတွက်မြဲမြဲရပ်လို့
တွဲဆက်ခဲ့တဲ့လက်တွေအကြောင်းပြောပြသွားတာများ
လေးစားလို့
အားကျလို့
ကိုယ်တိုင်ထပ်တူနာကျင်လို့
တစုံတရာကို
လုပ်ရက်လေခြင်း လုပ်ရဲလေခြင်းလို့
စက်ဆုပ်ရွံ့မုန်းစွာနားကြည်းမိရင်းပေါ့
.
#အရေးတော်ပုံအောင်တော့မည်
#စစ်အာဏာရှင်မုချအဆုံးသတ်တော့မည်
.
သန်းထွန်းလေး ☆ အင်းတဲရွာ
No comments:
Post a Comment