အောက်ဖဲလှန်တယ်ဆိုတာ
။
ဖဲစကားဖြစ်ပေမယ့် လူမှုဘဝမှာ အတော့်ကိုတွင်တွင်ကျယ်အသုံးပြုတဲ့စကားပါ
တဖက်သားရဲ့ ညံ့ကွက်လျှော်ကွက်အားနည်းချက်ကိုထုတ်ဖော်ပြသပြီး အရှိုက်ကိုထိုးချတာမျိုးမှာ သုံးကြတာများတယ်
ဒီနေရာမှာ ရန်သူပြိုင်ဖက်ကလုပ်တာကိုချည်း သီးသန့်မဆိုဘဲ နဂိုရင်းနှီးသူ လက်ပွန်းတတီးရှိသူ ဆိုးဖော်မိုက်ဖက်တွေထဲကနေ သဘောထားကွဲလွဲလို့ မုန်းစိတ်ထားချိန်မှာ အရင်အတူတူပြုလုပ်ခဲ့တာတွေကို ထုတ်ဖော်ပြောဆိုတာမျိုးက အဓိကလိုဖြစ်နေတယ်
ဒီတော့ဗျာ အောက်ဖဲဘာလို့အလှန်ခံရလဲ
ယထာဘူတအကျဆုံးအဖြေကတော့ အောက်ဖဲရှိလို့ပေါ့ဗျာ
တနည်းအားဖြင့် ကိုယ့်မှာအများကိုဖုံးကွယ်လှည့်စားလို့ လေးစားမှုရအောင်ဖန်တီးထားတာမျိုး ဇွတ်ဖြူစင်ထားတာမျိုး ရှိလို့ပဲပေါ့
ဒါကိုနဂိုစိတ်တူကိုယ်ပြုလုပ်ခဲ့သူက အဆင်မပြေကြတော့ချိန်မှာ အထုတ်ဖြေပြတော့ သည်းမခံနိုင်ဖြစ်ရတာကိုး
ဟုတ်တော့လည်းဟုတ်သား အရင်က စိတ်တူကိုယ်တူကျူးလွန်ခဲ့ကြပြီးမှ ခုမှကိုယ်တယောက်တည်းလုပ်ခဲ့သလိုလို ပြောဆိုနေတာကို ခံနိုင်စရာ ဘယ်ရှိမတုန်း
ဒီတော့ဗျာ အောက်ဖဲအလှန်မခံရအောင် ဘယ်လိုလုပ်ရမလဲဆိုရင် ရာနှုန်းပြည့်အတိကျဆုံးနဲ့ အမှန်ကန်ဆုံးအဖြေက အောက်ဖဲမရှိအောင်နေဖိုပေါ့ဗျာ
မကောင်းမှုကိုမပြုဖို့ ပြုခဲ့ဖူးသည့်တိုင်အောင် တပါးသူမသိစေဖို့ လုံအောင်ထိန်းထားဖို့ ကိုယ့်တာဝန်ပေါ့
ပြုမိရင်ကော
သိသွားရင်ကော
ဖွင့်ပြောမိရင်ကောလို့ မေးစရာရှိမယ်
ဒါဆိုရင် ပြောမိသူနဲ့သင့်အောင်သာပေါင်းပေရော့ပေါ့ 😂
ဒီလိုမှမဟုတ်ရင် တထိတ်ထိတ်နဲ့ ဘယ်အချိန်ဖွင့်ချလိုက်လေမလဲ ကြောင့်ကျနေရမှာဗျ
ဒီလိုမဖြစ်ချင်ရင် ကိုယ်ကအရင်ဖွင့်ချဝန်ခံလိုက် သို့တည်းမဟုတ် ကိုယ်ပြုခဲ့တာပဲ ကျေနပ်စွာခံလိုက်ပေါ့
တချိန်ချိန်ရင်ဆိုင်ရမှာခြင်းအတူတူ ဘယ်တော့များဖွင့်ချလိုက်လေမလဲလို့ တထိတ်ထိတ်နဲ့နေရချိန်လျော့နည်းသွားတာပေါ့
ဟုတ်တယ်ဟုတ်
။
။
။
#အရေးတော်ပုံအောင်တော့မည်
#စစ်အာဏာရှင်မုချအဆုံးသတ်တော့မည်
။
ကိုလေး ☆ အင်းတဲ
No comments:
Post a Comment