တပ်မက် Vs တက်မက်
။။
ဒီစကားလုံးလေးက အားလုံးရင်းနှီးပြီးသားပါ
သတ်ပုံကို မကြည့်ဘဲ ဘယ်လိုအသံထွက်ခဲ့လည်း တိုးတိုးလေးပြန်ရွတ်ကြည့်ကြည့်
ကိုယ်တော့ဖြင့် ဘဝတလျှောက်လုံး တက်မက်'လို့ချည်း အသံထွက်ခဲ့သည်ချည်း
ဘုံစာလုံးဖြစ်တဲ့ မက် ' ဆိုတာကို ကြိယာအားဖြင့် စွဲလမ်းတာ တွယ်တာတာလို့ ဖွင့်တယ် တပ်'ဆိုတာကလည်း ထိုနည်းအတူပါပဲ
တက်'ဆိုတာကတော့ ကြိယာအားဖြင့် အပေါ်သို့တက်တာ ကြီးပွားတိုးတက်တာ ပွဲကိုတက်ရောက်ချီးမြှင့်တာ စသည်ဖြင့်ပေါ့
စာအမှန်က တပ်မက်'တဲ့
အမှားနဲ့အသားကျနေတော့ ဒီအသံထွက်ရတာတမျိုးကြီး
လွဲနေသလိုလိုမျိုးကြီးလည်းခံစားရတယ်
စကားလုံးလေးက ရှောရှောရှူရှူမဖြစ်ဘဲ တမင်လုပ်ပြီး အသံထွက်ရသလိုလည်းဖြစ်နေတယ် ကြားရရင်လည်းထိုနည်း၎င်း
ဘယ်လိုပဲဖြစ်ဖြစ် အမှန်သိပြီးပြီပဲ
ဒီအသံထွက်ကို ရင်းနှီးအောင် လက်ခံနိုင်အောင်
သတိထားရုံရှိတာပေါ့
တက်မက်မဟုတ်ဘူး တပ်မက် တပ်မက် တပ်မက်
။
။
#အရေးတော်ပုံအောင်တော့မည်
#စစ်အာဏာရှင်မုချအဆုံးသတ်တော့မည်
။
သန်းထွန်းလေး ☆ အင်းတဲရွာ
No comments:
Post a Comment