ခွန်အားအရသော်၄င်း
ပညာအရသော်၄င်း
အာဏာအရသော်၄င်း
သာသူက ဝင်ရောက်မှ ပိုပြီးထိရောက်တာမျိုးပါ
ဥပမာ
အရပ်ထဲလူနှစ်ယောက် ခိုက်ရန်ဖြစ်ရင်တောင်
ခိုက်ရန်ဖြစ်သူထက် ခွန်အားကြီးသူ
ဒါမှမဟုတ် ပညာဂုဏ်အားဖြင့်လေးစားရသူ
ရာထူးအာဏာပိုကြီးသူ ကဝင်ရောက်ဖြန်ဖြေမှ မြန်မြန်ဆန်ဆန် ရန်ပွဲအဆုံးသတ်ပြီး ကြေအေးအောင်စွမ်းဆောင်နိုင်မှာပါ
ဒီလိုမှမဟုတ်
ခွန်အားကမရှိ
ဂုဏ်အားဖြင့်လည်း လေးစားစရာမကောင်း
အာဏာအားဖြင့်လည်း မလွှမ်းမိုးနိုင်ဘဲ ဝင်လာရင်တော့ အရှက်ကွဲဖို့သာရှိတယ်
အာဆီယံကိုကြည့်ရအောင်
ခွန်အားအရာလည်း ချိနဲ့နဲ့
(နားမထောင်ရင် စစ်ရေးအရ စီးပွားရေးအရ ဘာညာဘာညာ ခြိမ်းခြောက်ဖို့လည်း အင်အားက ချိနဲ့နဲ့)
ပညာဂုဏ်အရလည်း ထူးမခြားနား
(အားလုံးက အာဏာရှင်တစ်ပိုင်း အတူတူနဲ့အနူနူမို့ မသူတော်ချင်းသတင်းလွေးဖို့လောက်သာဖွဲ့ထားတာ)
အာဏာအရလည်း
သူကအပစ်ရပ်ပါဆိုမှ တိုက်ပွဲခေါ်သံတောင် စလိုက်သေးတယ် တစ်ဖက်တည်း အာဏာမရောက်တာလားဆိုတော့ မဟုတ်ပြန်ဘူး ဟိုတစ်ဖက်ကလည်း အာဆီယံထုတ်ပြန်ချက်မှာ လိုတိုးပိုလျော့နဲ့ လုပ်ခြင်သလိုလုပ် ပြင်ချင်သလိုပြင်ပြီးမှ ထုတ်ပြန်စေတဲ့အထိ တံတွေးစွတ်လိုက် ထိပ်ခေါက်လိုက်မလုပ်ရုံတမယ်
ဒီတော့ ထိုင်နေအကောင်းသား ထမှကျိုးမှန်းသိဆိုသလို
အာဆီယံရဲ့အနေအထားက လက်ရှိမြန်မာပြည်သူတွေထက်တောင် ဂရုဏာသက်ဖို့ကောင်းနေပါသေးတယ်
No comments:
Post a Comment