သန်းထွန်းလေး ☆ အင်းတဲရွာ: အိမ်ပြန်လမ်း

Friday, July 5, 2019

အိမ်ပြန်လမ်း

,,,........,

မမျှော်လင့်ဘဲ လက်ဝယ်ပိုက်မိလာတဲ့ အကြောင်းအရာတစ်ချို့ကြောင့် ရည်ရွယ်ချက်ဆိုပြီး မဖြစ်မနေလျှောက်လှမ်းလာမိခဲ့ရာက အိမ်နဲ့တောင် အတော်ဝေးနေပြီ

အသက်ဆယ်စုနှစ် တစ်ခုခွဲစာလောက်ကတည်စက ထွက်ခွာလာခဲ့တယ်ဆိုပေမယ့် အိမ်ပြန်လမ်း မမှတ်မိလောက်အောင်အထိ သိပ်ငယ်နေတာမျိုးတော့မဟုတ်ပါဘူး

ရည်ရွယ်ချက်ဆိုတာနောက်ကို လိုက်ပါရင်း အမြဲလိုအပ်နေတဲ့ ဆန္ဒတွေကိုဖြည့်စည်းဖို့ ကျိုးစားရင်းနဲ့ကို မျက်စိလည်နေခဲ့တာမျိုး

အိမ်ပြန်ဖို့ ရည်ရွယ်ရာနောက်ကို တစ်လှမ်းပြီးတစ်လှမ်း ကျိုးစားလျှောက်လှမ်းရင်းက အိမ်နဲ့ တစ်လှမ်းပြီးတစ်လှမ်း ဝေးကွာလာတာ

နှစ်တစ်နှစ်ရဲ့ အကူးအစပ်ရောက်တိုင်း ရက်သတ္တတစ်ပတ် ဆယ်ရက်တန်သည်း အိမ်ဆိုတဲ့စောင်ခြုံလိုက်တိုင်း မနွေးထွေးသေးခင်မှာပဲ သူဆိုတဲ့ရည်ရွယ်ချက်က လက်ပြလှမ်းခေါ်တယ်

ရောက်တော့မယ်လို့ အားခဲလျှောက်လှမ်းရင်းက နောက်ထပ်ရည်ရွယ်ရာတစ်ခုပေါ်လာတယ် လည်ပြန်ကြည့်မိတော့ အိမ်ကမှုံပြပြ

အိမ်နားနီးချင်း ဘကြီးက သူ့သားပြန်မလာသေးလို့ ဖုန်းဆက်ခိုင်းတယ် အဘသားက ကလေးမှမဟုတ်တာ ပြန်လာမှာပေါ့ ပူတတ်ရန်ကောလို့ စောဒကတက်ရင်းနဲ့မှ သတိရမိတယ် အိမ်ကိုဖုန်းမဆက်ဖြစ်တာ အတော်ကြာနေပြီပဲ

သန်းထွန်းလေး အင်းတဲရွာ
အောင်ညီကိုရွှေထည်စက်ဖြတ်လုပ်ငန်း

သန်းထွန်းလေး ☆ အင်းတဲရွာ