ဂန္ထဝင်ရှင်းတမ်း
။
ဒီဝေါဟာရနဲ့ပတ်သက်ပြီး ပထမဆုံးအနေနဲ့ ရေးထုံးကိုအရင်ရှင်းရလိမ့်မယ်ထင်တယ်
ဆရာမဂျုး စီစဉ်ပြီး ပန်တျာဌေးဌေးမြင့်တို့ ရွှေမန်းသူမြင့်မြင့်သန်းတို့ ငွေလကြယ်စင် အငြိမ့်ဂန္ထဝင် ဆိုတဲ့အငြိမ့်ကကြတော့
မန္တလေးကလူရွှင်တော်ကြီး ဦးချစ်စရာလား
ဦးထင်ပေါ်လားမသိ
တဝမ်းပူနဲ့ ဂန္တဝင်ကမှန်လား
ထဆင်ထူးနဲ့ ဂန္ထဝင်ကမှန်လား
ဓအောက်ခြိုက်နဲ့ ဂန္ဓဝင်ကမှန်လား
ဒဒွေးနဲ့ ဂန္ဒဝင်ကမှန်လားဆိုပြီး ပြက်လုံးထုတ်တာမှတ်မိသေးတယ်
______________________
Google မှာရှာကြည့်တော့ ပါဠိ ဂန္ထဝံသကနေလာတယ်လို့ဆိုတယ် ဒါပေမယ့် ပါဠိအဘိဓါန်မှာ ဒီလို ဂန္ထဝံသ ရယ်လို့ စာလုံးအတွဲလိုက်မတွေ့ဖူးဘူး (မတွေ့သေးတာလည်း ဖြစ်နိုင်ပါတယ်)
ဂန္ထပုဒ် နဲ့ ဝံသပုဒ် သပ်သပ်စီတော့ရှိတယ်
ဂန္ထဆိုတာက
ကျမ်းဂမ် ခုခေတ်ဆိုရင် စာပေပေါ့
နှုတ်ငုံဆောင်နိုင်တာကိုလည်းသုံးသလို
ဖန်တီးရေးစပ်တာကိုလည်းသုံးတယ်
ဝံသ ဆိုတာက အမျိုးအနွယ် အဆက်အနွယ်
______________________
ဟိုး ..အရင် ကိုလိုနီခေတ်နှောင်းပိုင်း လွတ်လပ်ရေးလှုပ်ရှားကြစဉ်က 💥ဂန္ထလောက ဆိုပြီ မဂ္ဂဇင်းထွက်ခဲ့ဖူးတယ်ဟုတ်
ဒါကိုမြန်မာပြန်ကြည့်ရင်
ဂန္ထဆိုတာက စာပေ
လောကဆိုတာက တစုံတခုနဲ့ဆက်စပ်တဲ့နယ်ပယ် အသိုင်းအဝိုင်း
ဒီတော့ စာပေလောကလို့လည်း ယူလို့ရနိုင်သလို
စာပေနယ်ပယ်ဆိုလည်းမမှားပေါ့
______________________
ဒီတော့ ဒီစကားလုံးကို တကယ့်တကယ်စိစစ်ရင်
ပါဠိလို ဂန္ထဆိုတာက ကျမ်းဂမ် စာပေကိုပဲခေါ်တာမို့ စာပေလောကနဲ့သာသက်ဆိုင်တဲ့ စာပေလောကရဲ့မူပိုင်စကားလုံးဖြစ်နေမလာဗျနော်
ဒီတော့
ဂန္ထဝင်အဆိုတော်ကြီးတို့
ဂန္ထဝင်သရုပ်ဆောင်ကြီးတို့
ဂန္ထဝင်အကပညာရှင်ကြီးတို့ဆိုတာတွေက မှားများနေလေမလားမသိ 🤔
။
။
။
#အရေးတော်ပုံအောင်တော့မည်
#စစ်အာဏာရှင်မုချအဆုံးသတ်တော့မည်
။
ကိုလေး ☆ အင်းတဲ
No comments:
Post a Comment