။
ကိုယ်က ပန်းထဲမှာနှင်းဆီပန်းကိုအကြိုက်ဆုံးမဟုတ်ဘူး
အနံ့ရိုင်းတယ်လို့လည်းခံစားရတယ်
ဒါပေမယ့် နှစ်ဆီပင်ရဲ့ဂုဏ်သတ္တိကိုတော့သဘောကျတယ်
ရိုးတံတစစ်လောက်ကိုဖြတ်ပြီး မြေမှာထိုးထားရင်တောင် အောက်ကလည်း အမြစ်ထိုးနိုင်သလို့ အပေါ်ကလည်း ဖူးညွှန့်ဝေစီပြီး ပွင့်လန်းရှင်သန်နိုင်တာမို့ပါ
_________________________
ယနေ့အချိန်မှာ မြန်မာ့မြို့ပြတောရွာ ဘယ်နေရာမဆို နှင်းဆီပင်တွေ နှင်းဆီပန်းတွေ ဝေဝေဆာဆာတွေ့ကြမြင်ကြရတော့ ဒီပန်းက မြန်မာ့ဌာနေမျိုးလို့ ယူဆကြလိမ့်မယ်ထင်တယ်
အမှန်တော့မဟုတ်လောက်ဘူးဗျ
မြန်မာ့ရှေးစာကဗျာ ပန်းချီ စတဲ့ အနုပညာလက်ရာတွေကြည့်ကြည့် နှင်းဆီအကြောင်းက မပါသလောက်ပဲ
မပါဘူးလို့ မုချဆိုမယ်ဆိုရင်တောင် ဆိုလို့ရလိမ့်မယ်ထင်တယ်
ကြာ ၊ စံပယ် ၊ ကံ့ကော် ၊ ခရေ ၊ သဇင် စတာတွေသာ ရေးကြခြစ်ကြဖွဲ့ကြနွဲ့ကြတာသာ အတွေ့များတယ်ဟုတ်
ဒီပန်းတွေကို ဘယ်လောက်တမြတ်တနိုးထားကြလည်းဆိုရင် ကိုယ့်ရင်သွေးကိုတောင် အမည်နာမမှည့်ခေါ်ကြသည်အထိ
(( နောက်ပိုင်းမှာ နှင်းဆီဆိုတဲ့ အမည်တွေလည်းများလာပါတယ်
ဒါပေမယ့် စံပယ်ဆိုတဲ့အမည်နဲ့ နှင်းဆီဆိုတဲ့အမည်မှည့်ထားတဲ့ မိန်းကလေးနှစ်ယောက်ကိုစိတ်ကူးပုံဖော်ကြည့်
စံပယ်ကို ရိုးရိုးယဉ်ယဉ်လေးအဖြစ်
အံမယ်သနပ်ခါးရေကြဲလေးပါ တွဲလို့မြင်ယောင်
နှင်းဆီကိုခေတ်ဆန်ဆန် ရဲတင်းပွင့်လင်းသူအဖြစ်
နှုတ်ခမ်းနီတွေ မိတ်ကပ်တွေ ဒေါက်ဖိနပ်တွေ ရှုပ်ရှက်ခတ်နေတဲ့ဆံပင်ပုံစံတွေနဲ့ တွဲဖက်
ဒီလို ပကတိသဘာဝ အသိစိတ်က သရုပ်သကန်ကွဲပြားစွာ ပုံဖော်မိတယ်ဟုတ် ဒါကဌာနေမျိုးစိတ်အပေါ် ခင်တွယ်နေတဲ့ မသိစိတ်ရဲ့လွှမ်းမိုးမှုကြောင့်လို့ ဆိုနိုင်မယ်ထင်တယ် ))
_____________________
🌹သူ့ရဲ့ဌာနေကဘယ်ကလဲ
။
ဒီလိုဆိုရင်သူရဲ့ဇာတိကဘယ်ကလဲဆိုတော့ ယေဘုယအားဖြင့် ကမ္ဘာ့မြောက်ခြမ်းဒေသတွေကလို့ဆိုတယ်
ဥရောပမြောက်ပိုင်းဒေသတွေ ဂျပန် တရုတ် တို့တွေမှာ နှင်းဆီမျိုးစိတ်ကွဲပေါင်း ၂၀၀ လောက်အထိကို တွေ့ရတယ်လို့ဆိုတယ်
ဒါက ai ရဲ့အဆိုပါ ဟုတ်မဟုတ်တော့ သေချာမစမ်းစစ်ရသေးဘူး
______________________
📝 စာအထောက်အထား
။
ကိုလိုနီခေတ်နဲ့ လွတ်လပ်ရေးရပြီး ကာလတွေနောက်ပိုင်းမှသာ နှင်းဆီအကြောင်းစာတွေကဗျာတွေ သီချင်းတွေ အတွေ့များလာရတယ်ဟုတ်
ဆရာကြီး မင်းသုဝဏ်ရဲ့
လယ်တောကအပြန်
ပန်ချင်တယ်ခရေဖူးဆိုလို့ မောင်ခူးကာပေး
မနက်တုန်းဆီက ကြော့ဆုံးကိုမောင်မြင်တော့
သူ့ဆံပင်နှင်းဆီပွင့်တွေနဲ့ ဂုဏ်တင့်တယ်လေး
ဆိုတဲ့ကဗျာက ထင်ရှားတဲ့မှတ်တမ်းတခုလို့ ဆိုရမှာပေါ့
ဒီကဗျာကို တနည်းခံစားကြည့်ရင် ခရေဆိုတာ ဌာနေပန်း ဒါကိုပစ်ပယ်လို့ တိုင်းတပါးကလာတဲ့ နှင်းဆီကိုမှ တမြတ်တနိုးကေသာမှာပန်ဆင်ချင်တဲ့ မြန်မာအမျိုးသမီးပျိုလေးတွေကို မချိလို့ ရေးဖွဲ့တာလေများလားလို့ တွေးမိတယ်
နောက်ပိုင်းတော့ နှင်းဆီနဲ့ပတ်သက်တဲ့ သီချင်းတွေအများအပြားပေါ့ နှင်းဆီသာမက ရိုစီတွေ ရိုဆေးတွေပါ ထည့်ဆိုကြတာ ကြားဖူးတယ်ဟုတ် 😁
။
။
။
#အရေးတော်ပုံအောင်တော့မည်
#စစ်အာဏာရှင်မုချအဆုံးသတ်တော့မည်
။
ကိုလေး ☆ အင်းတဲ
No comments:
Post a Comment